QeDqoq, wIch, ghetwI'pu' je Ho'wI'pu'vaD lI' DIS lop
«tel'avIv SIne'mateq»Daq, tera' jar wa'maH, jajmey Hut-wa'maH wej

wa'maH ben boghpu' yupma' 'ej SachtaH. motlh «tel'avIv SIne'mateq» retlh je Daq «'ayqon» peSam. «Su'qot» tlha' yupma' poH 'ej loS jajmey buy' taHlI' 'oH.

DaH najmey'e' DIbuSchoHlI'. QeDqoq wIch je ghItlhmey law' nargh bIH. lutvaD pIlmoHghach bI'reS joq bIH. QeDqoq wIch je DapojDI' najmeyma' Hoch tu'lu' - «Hov leng»Daq Humanpu' Qapla' ngoQ, qoj «'elem»Daq veqlarghpu' najmey, qoj piq'a' cham najmey ngeb. «'ayqon»Daq najmeyvam latlhmey je tItu' - HaSta'a'mey tIbej, 'ej SoQmey tIQoy, 'ej ghetwI'pu' tItlhej.

qep'a'vamDaq meb quv ghaH «nIl gheyman»'e'. qen wIch ghItlhwI' QoQ ghaH net Sov. Dat tevmey law' HevtaH ghaH, 'ej wa'maH vagh ben boghpu' bIH 'op'e'. rItlhpaqmeyDaj mu'paqmeyDaj je paqmey laDwI'mey vongtaH «gheyman». 'ej jIH'a', jIHHom je bejwI'mey. 'ej najmey qo' buS chaH.

'ej «'ayqon» Such chaH latlhpu''e'. «'ISra''el»ngan chenmoHwI'pu' QoQ, QubwI'pu', ghojmoHwI'pu'. QeD qun Ho'wI'pu' je SoQmey, qev ja'chuqghachmey je much chaH. HaSta'a'mey, paqmey, ghetwI' Qujmey Sar je buS chaH. «'ayqon»Daq DublI' tera' HaSta' yupma'. ghom'a'vaD Ho'wI'pu'vaD je wanI'mey Sar much 'oH.

«'ayqon»Daq lurDech 'oH naDmey wInob 'e'. QeDqoq wIch je paqmeyvaD «geven» van'a' noblu'. 'ej yupma' HaSta'a'meyvaD «'ayqon» van'a' noblu'. bIH wIv SuchwI'pu' noHwI'pu' ghom je.

yupma'vam lu'chenmoH'lI' wej «'ISra''el»ngan DIvI'mey: QeDqoqvaD wIchvaD je nugh, 'ejyo'waw' Hutvatlh-SochmaH-cha', Ho'wI'pu'vaD ghom je. 'oH lInglI' je «tel'avIv»-qum-taymey-'ay' «tel'avIv SIne'mateq» je.

nIteb Qob qaD jup 'e' chaw'be' SuvwI'. «'ayqon»Daq manajDI' ghotlhej!